难道就唔可以延长学期时间？

在校的最后一天，我放弃了与彭力唱K的机会，留咗系学校。好多同学都赶住执拾细软，逃离荔枝园，但我完全无佢地那种振奋的感觉。改变，从来都唔系一种好事。何况，大家都深深明白，暑期，唔等于放假。

好多年前，人类仲系以农业为主，男耕女织其乐融融。到咗夏季，太阳发烂咋，射到D禾啊稻啊全部阳痿咁款，于是，中小学啊幼儿园啊大学啊都纷纷停课，俾D细路死翻屋企帮手割禾收地，目的系可以继续有学费上缴，唔会中途无钱以至学生流失收唔到会费。到咗今时今日，暑假依个传统延续了下来，田系农民的地系政府的，关你学生Q事，咁学生放假嚟做咩？辛辛苦苦考试作弊就为咗一个月的神游？唔会～

社会系唔会俾你咁它迢的。年龄细的系暑期会无端端变咗乌龟，因为佢地要咩住成吨书同文具去上补习班或者兴趣班，再大D个D会拍拖，无拖拍个D就会系金钱的诱惑吓，打住实习学嘢的旗号，去揾暑期工－－摞正牌的童工。做一D要求学历但同所学无关的工作，从依个角度讲，暑期工同长工完全只系时间长短唔同。所以，凭依点，学生家长系好高兴见到自己仔女去揾暑期工的。

为咗新衫新裤，死就死啦，依个就系一部分打工学生的心声。

而另一部分学生，好似我咁，揾暑期工，完全系打发时间。暑期意味着时间的浪费，系屋企，我自问无办法静下心嚟睇书，尽管我真系唔识，又好想睇，但效率总是极慢，诱惑又太多。街上人流涌动，气温飙升，并非养生之道。那么，选择有免费空调的地方打工，不失为一个消暑好计，又唔会无聊，仲有钱摞，何乐不为。

所以，我揾暑期工。于是，我揾到暑期工。结果，我要做暑期工了。

仍然希望翻学，那才是我熟悉并喜爱的地方。